३ मार्च २०२५,
अमेरिकेचे राष्ट्राध्यक्ष डोनाल्ड ट्रम्प आणि युक्रेनचे अध्यक्ष वोलोदिमिर झेलेन्स्की यांच्यात झालेल्या वादानंतर युक्रेन अडचणीत आले आहे. अमेरिकेने जर पाठिंबा कमी केला, तर युक्रेनसाठी हा मोठा धक्का ठरू शकतो. आतापर्यंत अमेरिकेने मोठ्या प्रमाणावर मदत केली आहे, त्यामुळे पुढील निर्णय महत्त्वाचा ठरणार आहे.
युरोपियन देश युक्रेनला मदत करण्यासाठी पुढे सरसावले आहेत. ब्रिटन, फ्रान्स आणि अन्य देश युक्रेनमधील युद्ध संपवण्यासाठी प्रयत्न करत आहेत. लंडनमध्ये झालेल्या शिखर परिषदेत ब्रिटनचे पंतप्रधान कीर स्टॉर्मर यांनी स्पष्ट केले की, “युरोपच्या सुरक्षेसाठी हा महत्त्वाचा क्षण वाया जाऊ देता कामा नये.”
नाटोची भूमिका आणि अमेरिका-युक्रेन संबंध
नाटोचे सरचिटणीस मार्क रुट्टे यांनी युक्रेनला मदत सुरू ठेवण्याची गरज व्यक्त केली. त्यांनी झेलेन्स्की यांना राष्ट्राध्यक्ष ट्रम्प यांच्याशी संबंध सुधारण्याचा सल्ला दिला. या संघर्षाचे परिणाम मोठे असू शकतात, त्यामुळे राजकीय तोडगा शोधण्याचे प्रयत्न सुरू आहेत.
ब्रिटनचा ठाम पाठिंबा
झेलेन्स्की जेव्हा ब्रिटनमध्ये पोहोचले, तेव्हा त्यांचे उत्साहात स्वागत झाले. ब्रिटनचे पंतप्रधान कीर स्टॉर्मर यांनी त्यांना मिठी मारून सांगितले –
ब्रिटन शेवटपर्यंत युक्रेनच्या बाजूने राहील.
त्याच वेळी, पंतप्रधान कार्यालयाबाहेर जमलेल्या लोकांनीही झेलेन्स्की यांच्या समर्थनात घोषणा दिल्या.
कोणते देश युक्रेनच्या बाजूने?
फ्रान्स, जर्मनी, डेन्मार्क, इटली, नेदरलँड, नॉर्वे, पोलंड, स्पेन, कॅनडा, फिनलंड, स्वीडन, झेक प्रजासत्ताक आणि रोमानिया यांसह २७ देशांचे नेते बैठकीत सहभागी झाले आहेत. युक्रेनला अधिक मदतीबाबत लवकरच निर्णय होण्याची शक्यता आहे.
हे काही दिवस युक्रेनच्या भविष्यासाठी महत्त्वाचे ठरणार आहेत. अमेरिका आणि युरोप यांच्यातील संबंधांवर याचा मोठा प्रभाव पडू शकतो, तसेच जागतिक राजकारणावरही दूरगामी परिणाम होईल.